Nakit-an ro sambilog ka bangkay it eaeaki nga ginkilaea nga si Renato Falco, 48-anyos sa Barangay Santo Rosario Jamindan Capiz.
Base sa kumpirmasyon it Jamindan Municipal Police Station, nagabagtas segun ro biktima sa gilid it kaesada ag aksidente nga nadanlog sa footwalk rason nga nagtama ro ueo sa gutter o semento ag nahueog raya.
Nakaangkon it mabahoe nga nina sa ueo ro eaeaki nga naging rason it anang kamatayan.
Nasayuran nga nakainom si Falco kat natabo ro aksidente.
Nagapati man ro pamilya nga uwa it foulplay nga natabo sa kamatayan it biktima./JIL B. LACSON
