Insigida nga ginbawian it hueam nga kabuhi ro sangka eaeaki matapos raya nga magkurog-kurog kaina it agahun sa sangka waiting shed sa may Brgy. Bagto, Lezo, Aklan.
Sa interview it BRIGADA NEWS FM KALIBO sa Lezo PNP, ginkilaea ro biktimang si Benjamin Icaca, sa legal nga edad.
Pirme segun nga sa waiting shed ro nasambit nga biktima ag kaina nga bandang alas 8:30 it agahun hay nakita raya it mga pulis nga naka-detail sa area nga nagkurog ag gulpi nga nahueog sa pungkuan.
Insigida man nga nagtawag ro mga pulis it rescue pero namatay eon ro biktima.
Owa man it foul play nga nakita ro mga kapulisan sa nasambit nga insidente. // ANN DESLENE SALAZAR
