Nag angkon it nina sa waea nga kili-kili ro sangka eaeaki matapos rayang mabaril sa may Brgy. Dit-ana, Madalag, Aklan ku Disyembre 21 it gabii.
Sa interview it BRIGADA NEWS FM KALIBO sa Madalag PNP, ginkilaea ro biktimang si Rakim Gregorio 27yo, mangunguma ag residente sa lugar, samtang ro suspek nga naaresto man eagi hay ginkilaea kay Loreto Nadate 69yo.
Narekober kara ro sangka homemade 38 revolver, sangka fired cartridge ag 4 nga ammo.
Ginasugid nga ro rasun it pagpamaril hay pirmeng nagakaduea ro alagang manok it suspek.
Sa makarun hay naka confine ro biktima sa Aklan provincial hospital samtang ro suspek hay sa kustodiya it Madalag MPS ag nakataeana nga kasuhan it frustrated murder. // ANN DESLENE SALAZAR
