LEGAZPI CITY – Piglalaoman nang ma-relocate an nasa labi 700 na pamilyang nakaistar sa 6 kilometers permanent danger zone kan Bulkan Mayon.
Segun kay Albay Public Safety and Management Office Chief Dr. Cedric Daep, igwa nang nakadesignar na lugar na pwedesir pagtindugan kan lilipatang mga pasilidad o unit sa kada banwaan na may residenteng nagtetenir sa PDZ.
An proyekto, nangangaipuhan nin nasa P500M na pondo na pigpresentar na man sa ikinodusir na Mayon Donors’ Forum kun sain pwedesir makua an pondo hale sa donasyon kan mga international organizations asin manlain-laing ahensya hale sa ibang nasyon.
Oras na mareyalisar an proyekto, idedeklarar na man na no settlement zone an bisinidad kan PDZ nganing wara na nin makaistar pa sa lugar.
