Wala pang schedule si Pangulong Rodrigo Duterte, kung kailan bibisitahin ang mga apektadong residente matapos ang volcanic eruption sa Bulusan Volcano sa Sorsogon.
Ayon kay acting presidential spokesperson Martin Andanar, antayin nalang na maglabas ng advisory ang tanggapan ni Usec. Mia Reyes-Lucas ng Maro (Media Accreditation and Relations Office).
Una nang tiniyak ng Palasyo na nakastandby 24/7 ang mga ahensya ng gobyerno para magbigay ng tulong.
Ang Bulusan Volcano ay kasalukuyang nasa ilalim sa Alert Level 1, matapos ang 17-minute phreatic eruption noong June 5.
