Kinumpirma ni NCRPO Chief at Task Force SONA commander Maj. Gen. Jose Melencio Nartatez Jr. na magsasagawa ng isang aktibidad ang grupong ‘Hakbang ng Maisug’ sa Liwasang Bonifacio sa Maynila bukas.
Ang naturang grupo ay kilala rin tagasuporta ng mga Duterte.
Ayon kay Nartatez, naka stand by ang pwersa ng Manila Police District partikular ang kanilang civil disturban management para matiyak ang seguridad at kapayapaan sa lugar.
Dahil isang freedom park, hindi na kinakailangan ng permit para sa isasagawang aktbidad.
Nabatid na isang People’s SONA kasmaa ang iba’t-ibang sectoral leaders ang isasagawa ng grupo alas-2 bukas ng hapon.
Imbitado anila ang mga Duterte sa aktibidad.
