Nilagdaan na ni Department of Health (DOH) Secretary Francisco Duque III ang rekomendasyon kaugnay sa booster shot para sa edad 12 hanggang 17.
Ayon kay DOH Undersecretary Myrna Cabotaje, ilalabas ang guidelines ng naturang rekomendasyon ng Health Technology Assessment Council ngayong linggo.
Nauna ng inilabas ng Food and Drug Administration (FDA) ang amended emergency use authorization kaugnay sa Pfizer Covid-19 vaccine bilang booster sa nasabing age group.
Samantala, iginiit ni infectious disease specialist Dr. Edsel Salvaña na mahalaga ang booster shot sa ating katawan upang mas madagdagan ang ating proteksyon laban sa nakakahawang sakit.
(ARGIE ERGINA)
