Target ni Vice President elect at incoming Education Secretary Sara Duterte na ipatupad na ngayong susunod na school year ang implementasyon ng ‘full face-to-face classes’ sa bansa.
Sa kanyang press briefing, sinabi ni Vice President Duterte na ikinokonsidera na niya ang 100 percent in person classes sa Agosto.
Sa katunayan aniya ay patuloy ang kanyang pakikipag-ugnayan kay outgoing Education Sec. Leonor Briones para sa transition.
Magkakaroon aniya sila ni Briones ng face-to-face meeting sa darating na Sabado, June 25, 2022.
Mababatid na isa umano sa pagtutuunan ng pansin ni Duterte kapag naupong kalihim ng kagawaran ay ang pag-review sa K-12 program.
Samantala, una nang hinimok ni Briones ang lahat ng paaralan sa bansa na bumalik na sa face-to-face classes.(CLAY MARQUEZ)
#
