Nasikop sa kapolisan ang duha ka mga persona atol sa gipahigayong buybust operation pasado alas 5 sa hapon sa Purok 1,Brgy.Lagaan sakop sa Lungsod sa Calatrava,Negros Occidental.
Naila ang mga nasikop nga sila si alyas Evelyn,39 anyos,dalaga,usa ka street level individual ug residente sa nasampit nga lugar ug alyas Angelito,22 anyos,ulitawo usa ka newly identified ug nagpoyo sa Sitio Macho, Brgy. Minapasok, lungsod sa Calatrava.
Nakuha gikan sa possession sa duha ang 12 ka pakete sa suspected shabu lakip ang buybust item nga gibana-banang may gibug-atong 0.550 gramos nga mobalor ug 3,740 pesos,usa ka improvised tooter,usa ka coin purse ug 500 pesos nga buybust money.
Sa karon anaa na sa custodial facility sa Calatrava Municipal Police Station mga dinakpan ug mag-atubang sa kasong paghupot ug pagbaligya sa ginadiling druga.
