GIPAMATUD-AN sa duha ka inahan sa Barangay Bawing nga walay imposible sa kinabuhi basta maningkamot ug matuman usab ang gidamgo.
Sa laing paghimamat sa panon sa partidong AIM sa pagpanguna ni Brigada Elmer, gipaambit ni Nanay Cristina, usa ka biyuda ug may upat ka anak ang kalisod nga nasinatian kaniadto dihang nagsakit ang bana.
Apan bisan sa dakong problema, wala nawagtang ang pagsalig sa Kahitas-an nga sila makalingkawas inubanan usab sa pagpabiling buhi ang damgo ngadto sa ilang mga anak ug maoy hinungdan sa ilang pagkugi.
Mao usab ang inahan nga si Julieta, 57-anyos nga damgo nga makahuman pa ang duha ka anak hinungdan nga padayung gapaningkamot luyo sa kalisod aron mahatag ang katumanan sa maong damgo. Sama usab matud pa sa Ama ng Brigada nga kaniadto ang damgo mao ang mahatag ang maayong kaugmaon sa pamilya apan kini milapad pa hangtud nakatabang sa ubang tawo, nga usa sa maayong kinaiya isip maayong lider.
