Maga umpisa makarong adlaw ru blood letting activity it Brigada News FM Kalibo sa Pastrana Park, Kalibo, Aklan.
Suno kay Station Manager Joemer A. Soraino, mabahoe nga bulig it Philippine Red Cross-Aklan Chapter ag LGU-Kalibo ru pag baton it partnership kaibahan ru BRIGADA News FM Kalibo para sa mga Aklanon.
Mas kapin nga gin taw-an it bug-at ni Soriano ru tanan nga mga pumueoyo nga gustong mag donate it dugo bilang pag pabatyag nga ru BRIGADA News FM Kalibo hay naga pabilin sa mga tagipusoon nga kun ano man ru gina hinyo sa mga listeners hay una ru positibong pagbaton ag kooperasyon.
Naga pakita eamang nga ru mga supporters it BRIGADA News FM Kalibo hay padayon nga naga palangga umpisa nga giin buksan ru nasambit nga estasyon sa Aklan.
Ru sin-o man sigun nga first 50 successful blood donors hay maka baton it T-shirt.//MARIVIC Y. ILIN
