Naangkon ro 100% turnout sa ikaywang batch it cash assistance payout para sa rice micro retailers sa Aklan Trade Hall, Estancia, Kalibo, Aklan.
Ro nasambit nga cash assistance hay bilang suporta sa mga micro retailers nga naapektuhan it Executive Order (EO) 39, s. 2023 o ro “Imposition of Mandated Price Ceilings on Rice” nga nagkabisa ku Setyembre 5, 2023.
Gintukod kara ro price caps para sa regular milled rice (RMR) sa PHP 41 kada kilo ag well-milled rice (WMR) sa PHP 45 kada kilo.
Nagtambong sa nasambit nga programa sanday Aklan Governor Jose Enrique M. Miraflores, Vice Governor Reynaldo M. Quimpo, ag pilang miyembro it Sangguniang Panlalawigan.
Ginmanduan ro Department of Trade and Industry nga magtukod ag mag-validate it komprehensibong listahan it mga rice retailers ag sari-sari stores nga kwalipikado para sa Sustainable Livelihood Program – Economic Relief Subsidy (SLP-ERS), nga ginapamunuan it DSWD. // ANN DESLENE SALAZAR
