Gipaabot na lamang karon sa pipila ka mga tulonghaan ang approval gikan sa DepEd central office pinaagi kang Education Secretary Leonor Briones aron nga malakip sa face-to-face classes.
Una na nga gi-laraw sa Department of Education (DepEd)-Davao Region nga malakip ang dugang 186 ka mga tulonghaan alang sa pagpalapad pa sa limited face-to-face (F2F) classes human nga nalangan kini dinhi sa rehiyon dihang gipailalom sa Alert Level 3.
Naka-line up ang mga nasampit nga tulonghaan alang sa mosunod nga phase sa F2F expansion karung bulana.
Gilangkuban kini sa lima ka pampublikong tulonghaan sa Dalagdag National High School ug ang Senior High sa Barangay Dalagdag, G. Tajo National High School ug Senior High sa Barangay Lampianao, Saloy National High School ug ang Senior High sa Barangay Saloy, Mabuhay Elementary School nga karun naila nga Victor Bernal Integrated School ug ang Kindergarten sa Barangay Mabuhay, ug Gumitan Elementary School lakip ang Kindergarten sa Barangay Gumitan.
Pipila lamang kini sa mga tulonghaan nga kalakip sa listahan nga nakakuha ug approval sa halso tanan nga mga local government units sa rehiyon.
Apan gipaabot na lamang ang pormal nga approval gikan sa DepEd central office.
