Bag-uhay lang gipaubos sa state of calamity ang mga lalawigan sa Sugbo ug Bohol tungod sa dakong kadaot nga naangkon sa El Niño phenomenon.
Mandatory nga ipatuman sa Department of Trade and Industry ang price freeze diin dili mahimong patas-an ang presyo sa mga nag-unang palaliton sa merkado sulod sa 60 days.
Matud ni Trade Secretary Alfredo Pascual nga striktong ipatuman ang suggested retail price sa mga basic necessities ug prime commodities.
Mipahimangno ang DTI nga dili gayud angayang magpatuyang ang mga manindahay karong naangkon sa mga tawo ang krisis tungod sa El Nino.
Tungod sa bag-uhay lang nga developments gikan sa managlahing LGU, mopagawas ang DTI-7 og price freeze advisory sa sunod semana.
Maong awhag sa ahensya sa mga manindahay nga mosunod na lang sa maong lagda.//
