Naglaan ang Department of Trade and Industry (DTI) ng dalawang bilyong piso para sa rehabilitasyon ng mga enterprises lalo na ang mga Micro, small and medium enterprises na naapektuhan ng bagyong Kristine.
Sa press briefing sa Malacañang, hinimok ni DTI Acting Secretary Ma. Christina Roque ang mga apektadong maliliit na negosyante na samantalahin at i-avail ang naturang programa sa ilalim ng Small Business Corporation.
Sa ilalim nito, pwede makahiram ng hanggang 300 thousand pesos ang isang MSMEs, zero interest ang unang taon ng pagbabayad habang sa 2nd year ay meron lang itong 1% interest kada buwan.
Ang kailangan lang anya gawin ng mga interesado ay mag email sa SBCorp.gov.ph.
Ilan naman sa requirements para mapabilang sa programa ay mag fill-up ng form, dapat registered ang business at may patunay na talagang naapektuhan ng bagyo ang kanilang negosyo.
