LEGAZPI CITY – Paglaog pa sana kan BER months, pinunan na tulos kan Department of Trade and Industry (DTI) Bicol an pag-monitor sa mga holiday products o mga produktong may kinaraman sa maabot na kapaskuhan.
Ini an kinumpirmar ni DTI Bicol Consumer Protection Division Chief Ruben Sombon sa Brigada News FM Legazpi.
Segun saiya, huli ta tapos na an bantay presyo ninda sa undas, tututukan na ninda an pag-monitor kan mga Christmas decors, lights asin Noche Buena products.
Piglalaoman ninda na may paglangkaw sa presyo kan mga noche Buena products, alagad, sa ngunyan wara pa sinda nin maitataong listahan kan mga suggested retail prices huli ta wara pa man nin pigbababa an head office sa sainda.
