Nagpatigayun ro Department of Trade & Industry (DTI-Aklan) it DTI Meets the Media kaina it agahun.
Raya hay kaangot sa selebrasyon it Consumer Welfare Month.
Ro tema makarun nga dag on hay “GenS: Generation Sustainable,” nga may tinutuyo nga engganyuhon ro mga manugbakae nga i-praktis ro sustainability ag i-adapt ro greener choices sa pagkonsumo it mga ginabaligya sa merkado.
Si Ms. Roxanne C. Yap halin sa National Economic and Development Authority (NEDA) Region VI ro nag eksplikar angot sa Sustainable Consumption and Production in the Philippines; samtang si DTI-Aklan Provincial Director Ma. Carmen I. Iturralde at STIDS Amiel P. Sumait ro nag share angot sa Green Economic Development (GED) ag nagtao it tips sa pag umpisa it sustainability.
Ginpatigayun man ro Awarding of winners para sa Consumer Protection Information and Education Campaign Contest halin sa Aklan State University Laboratory High School, Linabuan National High School, ag Torralba National High School.
Gintaw-an man it Plaque of Appreciation ro Kalibo Consumer Organization bangud sa andang suporta ag kontribusyon sa pagbilog it sangka empowered ag vigilant consumer sector ag pag engganyo sa mga konsumidor nga makiparte ag magsabat sa mga programa ag aktibidad it consumer welfare programs ag aktibidad it opisina. // ANN DESLENE SALAZAR
