Mahigpit nga gina monitor it Department of Trade & Industry (DTI) ru mga Suggested Retail Price it mga establisimento sa bilog nga Aklan makarong Disyembre.
Suno kay DTI Aklan OIC Provincial Director Ma. Carmen I. Iturralde, kun may una nga establisimento sa probinsya nga naga sobra ru presyo hay paga taw-an it letter of inquiry agu mag explikar.
Gin taw-an man it bug-at it DTI OIC Provincial Director nga paga taw-an it Safety Seal certification ru tanan nga mga establisimento sa Aklan nga nagasunod sa requirement it DTI.
Gin klaro ni Ituralde nga bukon it mandatory apang sa rayang pamaagi, masigurado ru safety it mga manug bakae ag empleyado.
Samtang, gin klaro ni Ituralde nga gina taw-an it konsiderasyon ru Boracay dahil sa may mga extra expenses pa nga gina bayaran.
Apang, ingkasong mag paeanobra man ru presyo hay paga taw-an man it sanction.//MARIVIC Y. ILIN
