Ginaganyat sang Department of Social Welfare and Development Region 6 ang mga benepisyaryo sang Sustainable Livelihood Program (LSP) nga makigbahin sa ila asosasyon agud madasig nga makabaton ukon makapangayo sang bulig.
Sa interview sang Brigada News FM Roxas City kay Ms. Juliet Besa, DSWD Regional Program Coordinator for SLP, iya ginpahayag nga may yara sila sang gina-prioritize nga area bangud indi man nila tanan ma-cover tungod limited lamang ang budget gikan sa central office.
Suno kay Besa, nagahiwat sila sang community assemblies sa mga kabarangayan kag ila diri gina-priority ang mga 4Ps beneficiary.
Dugang pa sini, pwedi man nga makigbahin ang indi 4Ps beneficiary sa mga community assemblies kag sa social federation activities agud sila ang ma-identify nga poor ukon imol nga nagakinahanglan sang bulig gikan sa nasambit nga ahensya.
Katuyuan sang sini nga programa nga mabuligan ang mga benepisyaryo pinaagi sa paghatag sang capital sa negosyo agud mapaumwad kag makahatag sang maayo nga pangabuy-anan. | Judy Ann Juare
