BICOL – DAWA na ngani dai pa man gayong mati an epekto kan Bagyong Odette sa rehiyon, pigcierto kan Department of Social Welfare and Development o DSWD-Bicol an saindang kahandaan sa pag responde sa mga posibleng maapektaran kan raot nin panahon.
Sa report kan ahensya sa isinagibong Pre-disaster Risk Assessment na pigpangenotan kan OCD-Bicol, ipinahayag kan ahensya nan aka prepositioned na an food packs asin iba pang non-food items sa saindang mga warehouses sa rehiyon
Igwa soboot maabot sa haros 28,000 family food packs na naka antabay sa saindang mga warehouses sa Legazpi City, Camarines Norte, Camarines Sur asin Masbate.
Mantang maabot sa labi 3.1 million pesos na kantidad nin food items an naka prepositioned na man na kompwesto nin bagas, kape, sardinas asin iba pang canned goods.
Labi 24.7 million pesos man na kantidad nin non-food items told kan tents, sleeping kits, family, hygiene asin kitchen kit, malong, laminated sacks asin blankets an pigpreparar man kan ahensya.
Mantang igwang standby fund an DSWD-Bicol na maabot sa labi singko milyones de pesos.
Sa ngunyan apwera sa ginigibong close monitoring sa kamugtakan kan panahon asin close coordination sa mga local disaster councils, activated na man an Quick Response Team kan ahensya para sa posibleng pag responde sa mga maaapektaran kan posibleng raot nin panahon.
