MIAPELA ang Department of Social Welfare and Development (DSWD) 12 sa tanan nga mga lokal nga panggamhanan nga sakop sa rehiyon-12 nga magpasa og usa ka ordinansa alang sa paghatag sa cash cards sa mga beneficiaries sa Pantawid Pamilyang Pilipino Program kon 4Ps.
Sa natigayon nga panagpulong sa mga personahe sa DSWD-12 nahisgutan nga usa ka maayo nga lakang ang pagpagmit sa cash cards sa tanan nga mga myembro sa 4Ps. Tumong niini nga mapadali ang trabaho sa mga personahe sa buhatan ug dili na kinahanglan nga magpapila alang sa pag-release sa cash sa mga beneficiaries.
Luyo pa man niini hagit usab sa buhatan ang pagmonitor tungod sa mga report nga ginaprenda ang cash card sa mga myembro sa 4Ps. Sumala sa buhatan nga illegal kini ug ugaling mapamatud-an matanggal gilayon sa pagka-myembro ug possible pa nga makasohan ang kinsa man nga mapatud-an nga nagprenda sa cash card sa 4Ps. I Richel Gubalani
