KORONADAL CITY – NAGSAGAWA ng region-wide inspection sa mga drug testing laboratories ang Department of Health o DOH Region 12.
Layon nito na masuri ang kapasidad, competence, integridad at stability ng naturang mga pasilidad sa pagsasagawa ng laboratory examinations alinsunod sa Republic Act 9165 o Comprehensive Dangerous Drugs Act of 2002.
Bahagi ng inspeksyon ang masusing evaluation sa mga documentary requirements, on-site assessments at beripikasyon sa compliance ng mga ito sa DOH standards.
Sa 27 mga drug testing laboratories na ininspeksyon, 4 ang naisyuhan ng Notice of Violation at binigyan ng deadline upang sagutin ang kanilang mga kakulangan.
Samantala, 67 remote collection ng clinical and drug testing laboratories sites din ang ininspeksyon at 7 sa mga ito ang naisyuhan ng warning dahil sa violation sa on-site specimen processing, unauthorized remote collection at unregistered medical technologists performing collections.
