BICOL—Gadan an sarong drug suspect makalihis suboot ining manlaban sa buy bust operation kan PNP sa Brgy. Tagas, Daraga, Albay kasubanggi.
Nabisto ining si Noli Patrick Rogando alyas “Pogs”, residente kan Sitio Pag-Asa Brgy. San Roque sa parehong banwaan asin nag aarkila nin apartment sa Brgy. Tagas.
Sa report kan PNP, sa laog mismo kan pig aarkilang apartment kan suspek ginibo an transaksyon base sa napagkauyunan kaini asin kan poseur buyer.
Alagad mantang nasa proseso kan barakalan, buminulnot suboot nin badil an suspek kun kaya napiritan an mga operatiba na paputukan na ini dalan kan saiyang pagkagadan.
An suspek dati na suboot na nadakop sa kasong may koneksyon sa iligal na droga. #
