LEGAZPI CITY – Nakatalaang magkondusir nin drone patrol an Philipine National Police (PNP) – Police Regional Office 5.
Segun ini kay PNP Bicol Regional Director PBGen. Andre Perez Dizon makalihis an isinagibong 4 day basic, tactical drone seminar.
Alagad, magkakaigwa pa man nin training nganing opisyal na sindang makapuon ngunyan na taon.
Partispantes kaini an nasa 32 personahes na nagin estudyante gikan sa manlain-laing hepatura siring kan regional headquarters, Albay PPO, Camarines Norte PPO, Camarines Sur PPO, Masbate PPO, Catanduanes PPO, Sorsogon PPO, Naga CPO asin iba pa.
Gagamiton sa operasyon an nasa 20 unit nin drone na nagkakantidad PHP30,000 kada saro.
Mientrastanto, an operasyon na ini, primerong iaadaptar sa luwas kan National Capital Region.
