SORSOGON CITY – Nasamsam ng mga awtoridad ang iligal na droga, baril at bala sa ikinasang anti-illegal drug operations laban sa isang electrician sa Brgy Rawis sa bayan ng Donsol, Sorsogon.
Kinilala ang suspek na si Henry Deguanco, 56-anyos, may asawa at naninirahan sa nasabing barangay.
Maliban sa isang sachet na may lamang hinihinalang shabu, nasamsaam pa sa suspek ang isang kalibre .22 na Magnum na walang serial number at kargado ng tatlong bala.
Kambal na kasong paglabag sa Comprehensive Dangerous Drugs Act at Comprehensive Firearms and Ammunition Regulation Act ang kahaharapin ng nasabing suspek.
