Napasakaan na sang mga nagakaigo nga panumbungon ang driver nga nabaklan sang iligal nga armas-luthang kag nakuhaan sang shabu sa ginkasa nga buy-bust operation sa Brgy. San Esteban, Pilar, Capiz sang tinalikdan nga Hulyo 23.
Matandaan, ginkilala ang nadakpan kay alyas “Eunicito”, 38-anyos, kag residente sang nasambit nga lugar. Nabaklan ini sang police poseur buyer sang isa ka unit nga homemade pistolized break type 5.56mm, duha ka live ammunition sa balor nga P1,600.
Nakuha pa gid sa iya paghinakop ang duha ka sachets sang ginasuspetsahan shabu nga nagabug-at sang 10 gramos kag may Standard drug price nga P68,000.
Sa karon, nagapabilin sa gihapon ini sa Pilar Municipal Police Station para sa nagakaigo nga disposisyon. | Judy Ann Juare
