Nautod ro tudlo sa waea nga siki it sangka tricycle driver matapos mabangga it sangka kotse sa may Makato Cockpit Arena sa Makato, Aklan.
Sa report, magkasunod sa parehung direksyon ro tricycle ag kotse kat gulpi segun nga lumiko ro tricycle ngani nabangga raya it kotse.
Insigida man nga ginrespondehan it MDRRMO-Makato ro aksidente ag gindaea sa ospital ro biktima nga nag angkon man it nina sa ueo.
Samtang, sa kustodiya eon it Makato MPS ro driver it kotse para sa nagakaigu nga disposisyon. // ANN DESLENE SALAZAR
