Naka angkon it tama’t pag buno sa naga kasari-saring parte it kaeawasan ru sangka 22 anyos nga babaye matapos bun-on it suspek nga sangka Barangay Tanod sa Sitio Punta Brgy. Dumaguit New Washington, Aklan.
Nakilaea ru biktima nga si Jornalyn Dionaldo samtang ru gina turo nga suspek hay nakilaeang si Jayson Bautista, 40 anyo, tanan mga residente it nasambit nga lugar.
Padayon nga gina bueong sa hospital ru biktima ag temporaryo nga naka detaine sa New Washington Municipal Police Station ru suspek.
Indi pa masayuran it mga otoridad ru motibo it insidente ag padayon pa nga gina imbisitigahan it mga kapulisan.//MARIVIC Y. ILIN
