Patay ang usa ka lalaki nga giputlan og kinatawo sa iyang amo niadtong milabayng Lunes atol sa Valentines Day didto sa Prk 2, Brgy. Tacunan, Tugbok Dist., Davao City.
Sa pakighinabi sa Brigada kang PSMS Dexter C Cadoyas sa Mintal Police Station, giila ang biktima nga si Danilo Aranzo, 51 anyos, family driver nga residente sa Sitio Sto Niño, Tugbok District nga kauban sa iyang amo nga babaye nga niabot sa balay apan nag-atang na usab diay ang amo nga lalaki.
Walay daghang langas gilambusan sa suspek nga si Alexander Mafil Taclucop, 51-anyos og brick ang ulo sa biktima nga natumba ug nawad-an og panimoot dayon gigaid ang mga kamot.
Wala pa nakontento ang suspek og mikuha’g kutsilyo, gihubua ang pantalon sa biktima dayon giputol ang kinatawo gamit ang gamay nga kutsilyo.
Narespondihan sa mga pulis ang insedente og gidala dayon sa ospital dayon giatiman ni Dr. Mark Emmanuel Balag apan tungod sa talandugon nga kahimtang nakabsan kini sa kinabuhi pasado alas kwatro sa kadlawon kagahapon Pebrero 15.
Hinoon ang suspek dali nga nasikop og gikasuhan og murder samtang narekober sa crime scene ang kutsilyo ug brick nga gigamit sa pagpatay.
Kaganihang buntag napasang-at na ang kasong murder sa korte batok kang Taclucop.
Grabeng selos sa amo nga laki ang nag-unang motibo sa pagpatay sa biktima.BNFM-DAVAO
