Pilason ang drayber sang motorsiklo matapos ginbunggan sang isa ka multicab rason nga gintunaan sang aksidente sa Cudian, Ivisan, takna alas 6:10 kagab-i, Enero 14.
Nakilala ang biktima nga si alyas “Regie” 25-anyos, lunsay residente sang nasambit nga lugar.
Base sa impormasyon nga nakuha sang Brigada News FM, ginapahayag nga nagapadulong kuntani sa Ivisan halin sa Roxas City ang multicab sang hinali nga nagtabok gikan sa pihak nga linya ang motorsiklo nga sakay ang biktima rason sang pagkabungo-anay.
Bangud sa natabo, nag-angkon sang pilas sa magkatuhay parte sang lawas si alyas “Regie” nga ginpadangat sa Capiz Emmanuel Hospital sang nagresponde nga MDRRMO kag BFP Ivisan.
Samtang boluntaryo nga nagsurrender ang wala ginahingadlan nga drayber sang multicab sa Ivisan Municipal Police Station. Nahibaluan nga may ara na sang pag-istoryahanay sa duha ka magtimbang nga bahin. | F.J. Preciosa
