GIPANAWAGAN karon ni Dr. Fidel Peñamante, presidente sa Philippine Medical Association o PMA-GenSan ang mga ginikanan nga pahimuslan ang COVID-19 vaccination sa mga nag-edad 5 hangtud 11-anyos.
Sa anunsyo sa Department of Health, takdang sugdan ang pagpabakuna sa edad 5-anyos hangtud 11-anyos sa Pebrero 4.
Matud ni Peñamante, angayang hatagan og prayoridad sa mga ginikanan nga mabakunahan ang ilang mga gagmyang anak aron malikayan nga sila matakdan sa COVID-19.
Sa karon matud pa giangkon niini nga adunay mga kaso sa mga pedia nga naospital tungod sa COVID-19 hinungdan nga dili matud pa usikan ang panahon.
Nasayran nga nagpadayun usab ang pagpabakuna sa mga pediatric population edad 12 hangtud 17-anyos sa GenSan.
