Nagpirma sang Memorandum of Agreement (MOA) ang Department of Public Works and Highways (DPWH) kag City Government may kaangtanan sa pagtukod sang 3 story building sang bag-o nga City Hall sa Pueblo de Panay, Brgy. Lawaan, Roxas City.
Nakasaad sa MOA, nga magahatag sang pondo nga nagalab-ot sa P70 milyon ang DPWH sa lokal nga gobyerno sang syudad bilang bulig sa pagpatukod sang nasambit nga edipisyo.
Gin-athag ni City Councilor Paul Ivan Baticados, nga may yara man sang budget nga ginpain ang syudad nga nagdangat sa P150 milyon. Sa tion nga maubos na ini, diri na magasulod ang pondo nga igahatag sang DPWH agud magpadayon tubtob nga matapos ang konstraksyon sang building. | Judy Ann Juare
