Daina E. Gerona
Nagpagwa sang panibag-o nga abiso si Negros Occidental Provincial Governor Eugenio “Bong” Lacson sa publiko angut sa lapnagon nga impormasyon nga may yara sang pila ka mga persona nga nagapangkuha sang personal information ukon identification card information kabaylo sang P400 sa wala mahibaluan nga rason.
Ini pagkatapos sang isa ka Chinese looking nga nagapangkuha sang litrato sang Identification Card (ID) sang pila ka mga persona diri sa probinsiya ilabi na sa syudad sang Bacolod.
Tuyo sa karon ni Lacson nga magpakig-angut na sa Bureau of Immigration agud nga mahibaluan ang estado sang mga foreign national sa Negros Occidental, kag nakigsapol naman ini sa Provincial Police Office (NOCPPO) agud nga ma monitor ang amo nga aktibidad.
Palayag ni Lacson nga mas ma-ayo nga mahibalu-an ang sa likod sini sang mas timprano agud nga mangin hilway ang mga negrense sa posibli iligal nga buluhaton.
