Nadulaan sang puluy-an ang 13 ka pamilya sa Panay housing matapos gin-demolished ang 13 ka units subong nga adlaw sang Huwebes, Hulyo 25.
Suno kay Manang Inday, isa sa mga naapektuhan, ang rason sa pag-demolished sa ila unit amo ang illegal entry kag invalid ang ila ginakaptan nga certificate. Dugang pa sini wala man sila sang nakaptan nga papeles gikan sa National Housing Authority (NHA) bangud gintugyan na sa lokal nga gobyerno sang banwa ang housing.
Ginkakibot nalang nila subong nga tuig nga ginpadal-an na sila sang notice agud pahalinon. Sa karon, nagalibog ang ila ulo kun sa diin sila ma-istar bangud wala man sila sang puluy-an nga mabalikan ukon masilungan. | Judy Ann Juare
