Itinanggi ng Department of Transportation ang mga naunang ulat kaugnay sa umano’y privatization sa Metro Rail Transit Line 3 (MRT-3).
Paglilinaw ng DOTr, na ikinokonsidera lang nila ang posibleng privatization sa operasyon at maintenance ng railway system.
Ang DOTr at ang Metro Rail Transit Corporation Corp. ay lumagda ng build-lease-transfer agreement noong 1997 para sa konstruksyon ng MRT-3 sa EDSA, kung saan sa ilalim ng naturang scheme, ang ahensya ang hahawak sa koleksyon ng pamasahe, habang ang consortium naman ang in charge sa maintenance ng mga tren.
Ang naturang kasunduan ay nakatang magpaso sa 2025.
Binigyang diin ng departamento, na ang pag-privatize sa operations at maintenance ng MRT-3 ay magpapababa sa operational cost para mapanatili ang abot-kayang pasahe. //MHEL PACIA
