Wala nahilakip sa gipagawas nga Labor Advisory No. 3 kon “no vaccine, no work policy” sa Department of Labor and Employment ang mga local government unit.
Kini ang gipaklaro ni DOLE XI Assistant Regional Director Atty. Jason Balais, kung asa kadtong mga private sectors o employers lamang ang mahisakop niini.
Sigon sa opisyal wala sa ilang hurisdiksyon ug gahum nga manduang ibawal ang ang pagpatuman sa No vaccine no Work Policy ang mga local government bisan ang mga National Government Offices ug GOCCs.
Kahibaluang base sa Labor Advisory No.3 nga gipagawas ni DOLE Secretary Silvestre Bello III sa milabayng mga bulan, hugot gibawalan ang mga employers nga himoong requirements sa employment status sa ilang mga empleyado ang pagpabakuna apan hugot giawhag ang mga trabahante nga magpabakuna aron dunay proteksyon.
Ang pagpaklaro sa DOLE-XI gipagawas human gilaraw ni Davao City Mayor Sara Duterte-Carpio nga himoon nang rekisitos sa trabaho sa tanang mga empleyado sa City LGU ang pagpabakuna.
Ang mga plantilla o regular employee nga dili fully vacinated mag-atubang og insuburdination samtang ang mga JO, contract of service, consultants ug volunteers dili marenew ang kontrata kung dili fully vaccinated pagsugod sa tuig 2022.BNFM-DAVAO
