BICOL – NAGDESIGNAR an Department of Labor and Employment Bicol nin maabot sa sais sientos otsenta y unong mga Government Internship Program workers tanganing magsirbing encoders sa tolong aldaw na mass vaccination roll out kan gobyernO.
An sinambit na mga GIP workers apwera sa encoding job, an ipigdesignar tanganing magsagibo nin monitoring asin post-vaccination assessment.
Segun ki Labor Regional Director Zenaida Angara-Campita, bilog soboot an suporta kan ahensya sa nationwide activity na ini kan DOH sa obhetong matawan proteksyon an mga obreros asin empleyado, urog na an mga kabale sa vulnerable sector.
Katakod kaini padagos an pag ingganyar kan opisyal sa gabos na mga obrero sa formal asin informal sector sa rehiyon asin saindang mga pamilya na dai pa bakunado na aprubitsaran an oportunidad para sa libreng bakuna.
Siring man tinawan duon ni Campita na dawa puga puga an saindang pag ingganyar sa mga workers na magpabakuna, ini an nagtitiner na bako mandatory sa trabaho.
Dai pwedeng i-terminate an sarong empleyado na masayumang magpabakuna alagad pwediser na i-require na sumailalim sa regular na RT-PCR testing.
Mantang an DOLE Bicol soboot kasabay an anom kaining provincial offices an padagos na makikisumaro sa pagpapataas kan kaaraman kan publiko katakod sa effectiveness kan mga bakuna sa obhetong makua an minamawot na herd immunity asin liwat na pagbabalik sa normal kan ekonomiya.
