LEGAZPI CITY – Padagos an pigsasagibong konsultasyon kan Department of Labor and Employment (DOLE) Bicol sa manlain-laing mga probinsya sa rehiyon nganing pag-orolayan ang dugang na sweldo sa mga empleyado.
Sa intrevista kan Brigada News FM Legazpi kay DOLE Bicol Regional Director Ma. Zenaida Campita, sinabi niya na nakalibot na sinda sa ibang mga probinsya, alagad pag-oorolayan pa sa Albay.
Segun saiya, igwa kaya nin mga parametro an dugang na sweldo.
Alagad, an agrangay kan nagkapirang mga employers, haros nagralangkaw an gabos na mga barakalon na nakakaapektar sa mga empleyado.
Apwera kaini, gusto kan mga employers na magtenir an saindang mga matitibay na mga empleyado asin dai maghanap ki ibang mga kumpanya.
Segun pa kay Campita, sa saindang paglibot sa mga probinsya para sa konsultasyon, naaaraman ninda na dakol na mga employers an bukas para sa dugang na pasweldo.
Sainda pa ining maigot na pinag-oorolayan huli ta an pagdugang sa sweldo may kinaaraman sa economic gain asin dakol pa su boot na mga prosesong aagihan antes maaprubahan.
