MOKABAT na sa 78,186 ang kinatibuk-ang ihap sa bakuna batok COVID-19 ang natupok sukad Nobyembre 29 hangtud Disyembre 1 ning tuiga sa ‘3-Day Bayanihan, Bakunahan’ ning siyudad sa Cagayan de Oro.
Basi kini sa datos nga gipagula sa Lokal Ng Pangagamhanan sa siyudad diin gilangkoban kini sa first ug second dose sa Pediatric ug Adult Population sa mga vaccination sites nga gidumala sa LGU-CDO, Department of Health, health facilities ug pribadong sektor.
Dakong pasalamat sa Siyudad sa tanang mga mi-abag aron magmalampuson ingon man ma hit ang target nga mabakunahan sa siyudad.
Hisayran nga 66,000 ang kinatibuk-ang target nga mabakunahan atol sa Bayanihan, Bakunahan, diin sa unang adlaw, mikabat sa 24,494 ang malampusong natupokan samtang sa ikaduhang adlaw usab mikabat sa 29,268 ug sa ikatulo nga adlaw mikabat sa 24,424 ka bakuna ang natupok batok Covid-19. – END – (Arniel)
