Tukoy na ng Department of Justice (DOJ) kung sino ang nasa likod ng kontrobersyal na ‘sexy dancing’ sa isang command conference ng National Bureau of Investigation (NBI).
Ayon kay Justice Sec. Boying Remulla – kilala na nila kung sino ang nag-hire sa mga entertainers na ito.
Napag-alaman ding hindi lang pala isa, kun’di tatlo pang mga dancers ang nagsasayaw nang sexy sa kontrobersyal na event.
Idiniin ng Kalihim na ‘nakahihiya’ ang naturang pangyayari.
Sa kabila niyan, tumanggi na muna si Remulla na pangalanan ang mga nag-hire sa entertainers habang gumugulong pa ang imbestigasyon.
Ang tiyak umano sa ngayon ay walang public funds na ginamit sa pagkuha ng mga dancers, at siguradong mananagot ang mga ito.
