Naglabas ang Department of Justice ng Immigration Lookout Bulletin Order (ILBO) laban sa mga hinihinalang mastermind sa Lapid slay case na sina suspendidong Bureau of Corrections (BuCor) chief Gerald Bantag at former deputy security officer Ricardo Zulueta.
Paglilinaw naman ng DOJ, ang naturang lookout bulletin ay “for monitoring purposes only.”
Ayon sa ahensya, may posibilidad na umalis sina Bantag at Zulueta sa bansa dahil sa bigat ng offense charge at criminal complpaints laban sa mga ito.
Dahil rito, minabuti na ng DOJ na mag-issue ng ILBO upang malimitahan at mabantayan ang itineraries at flight travel ng mga hinihinalang suspek.
Ang naturang bulletin order ay naipatupad noong December 9, ayon kay Immigration spokesperson Dana Sandoval. // SMM
