Iimbestigahan ng Department of Justice (DOJ) ang mga umano’y death threats na natatanggap ng dating alkalde ng Bamban, Tarlac na si Alice Guo.
Ayon kay Justice spokesperson Mico Clavano, hindi nila ito babalewalain dahil layunin ng ahensya na haharapin ni Guo ang mga patong-patong niyang kaso.
Maalalang ibinunyag ni Guo kahapon na maraming nagbabanta sa kanyang buhay, kaya’t napilitan umano siyang umalis ng bansa.
Humingi rin ng tulong ang dating alkalde kay DILG Secretary Benhur Abalos hinggil sa usaping ito.
