Tiniyak ng Department of Health (DOH) na ligtas at naaayon sa COVID-19 protocols ang sistema sa mga polling precinct sa pagdaraos ng halalan sa gitna ng pandemya.
Ayon kay Health spokesperson Maria Rosario Vergeire, bukod sa mga unang inilabas na protocol ng Commission on Elections (Comelec), nagbigay pa ang DOH ng dagdag na rekomendasyon para masigurong maiiwasan ang pinangangambahang hawahan sa halalan.
Kabilang na umano dito ang pagkakaroon ng safety officers, na kapag may nakapasok na may sintomas ng COVID-19 ay nandoon na rin ito at mayroong isolation precinct.
Maliban dito, ang pagkakaroon ng sapat na bentilasyon sa mga presinto ang isa sa pinakamahalagang masunod bukod sa pagsusuot ng mask at palagiang pag-sanitize ng mga kamay ng mga botante.
