Pinag-aaralan ng Department of Health (DOH) ang posibleng ban sa mga biyahero mula Malaysia at Thailand dahil sa banta ng mas nakakahawang Delta variant.
Tiniyak ni Health Secretary Francisco Duque III na mino-monitor ng DOH Epidemiology Bureau ang COVID-19 outbreak sa ibang bansa.
Ayon sa kalihim, tinitignan ng DOH ang sitwasyon sa Malaysia at Thailand kung saan mayroong di mapigilang pagtaas ng Delta variant cases.
Aniya, pinag-aaralan ito ng Epidemiology Bureau ng DOH at posibleng magbigay ng rekomendasyon sa IATF kung may idadagdag pa sa listahan ng mga bansang kasama sa travel ban.
Sa hiwalay namang briefing, sinabi ni DOH Epidemiology Bureau director Dr. Alethea De Guzman na nakapagtala ang alaysia ng record-high 11,618 bagong COVID-19 cases kahapon kung saan may Delta variant sa bawat state.
Aniya, kumalat na ang variant sa nasa 98 bansa simula nang madetect ito noong December 2020.
Gayunman, sinabi ni Del Guzman na nananatiling epektibo ang COVID-19 vaccine laban sa Delta variant.
