Kinumpirma ng Department of Health na ang unang kaso ng Lambda variant ng COVID-19 sa bansa ay local case.
Ayon kay DOH Undersecretary Ma. Rosario Vergeire, ang 35-taong gulang na babae ay hindi returning overseas Filipino.
Dagdag ni Vergeire, ang pasyente ay buntis noong panahon na nagpositibo ito sa virus.
Sa ngayon, beneberipika ng DOH kung nanganak na ito, dahil ang kanyang expected delivery date ay noon pang katapusan ng Hulyo.
Magtutuloy-tuloy naman ang contact tracing sa mga nakasalamuha ng pasyente, lalo’t natamaan ito ng Lambda variant. // MHEL PACIA-TRINIDAD
