Inaalam pa ng Department of Health (DOH) kung mayroong local transmission ng Delta coronavirus variant sa Pilipinas.
Ito ay matapos maitala ang 11 local cases ng mas nakakahawang variant kahapon.
Sa isang panayam, sinabi ni Health Undersecretary Maria Rosario Vergeire na magkaiba ang local cases at local transmission.
Aniya, pag local case, ibig sabihin ay na-detect ang variant sa isang indibidwal na di classified bilang returning overseas Filipino.
Habang pag local transmission naman ay mayroong ebidensya na magkakakonekta ang kaso ng COVID-19 sa isang komunidad.
Dahil dito kaya nagsasagawa ang DOH ng intensive contact tracing.
Gayunman, kailangang malaman ang pinagmulan ng local cases ng Delta variant dahil posibleng dahil ito sa breach ng protocol.
