Bagama’t patuloy na pinagiingat ng Department of Health ang publiko laban sa mpox, binigyang diin ng ahensya na walang dapat ika-panic hinggil sa sakit na ito.
Kasunod ng kompirmasyon ng dalawang bagong kaso ng mpox sa Metro Manila, ipinaliwanag ni DOH spokesperson Albert Domingo na Clade II variant ng mga bagong kaso, na hindi malala kaysa sa naitatalang variant sa Africa.
Dagag pa ni Domingo, may mga ilan silang ulat na natatanggap na naguguluhan sa pagkakaiba ng mpox sa ibang skin diseases, tulad ng chickenpox, shingles, o herpes.
Dahil dito, binigyang diin ng ahensya na mas maganda pa ring magpa-test upang makumpirma kung ano ang kanilang sakit.
