BICOL – NANINDUGAN an Department of Health o DOH-Bicol na dai magdadara nin helang an mga ipigtutugdok na bakuna partikular an mga bakuna kontra covid-19.
Ini an ipinahayag ni Dr. Aurora Teresa Daluro, Head kan Regional Epidemiology and Surveillance Unit kan DOH-Bicol.
Dawa aminado ini na igwang insidente kun saen nagpositibo sa covid-19 an nagkapirang mga indibidwal na nabakunahan na nin first dose alagad ini an dahil sa itinudok sa saindang bakuna.
Segun ki Daluro, pwediser na magpositibo sa virus urog kun nagkaigwa nin exposure sa covid-19 positive o may travel history alagad dae naihapot sa screening o dai pa nako contact trace.
Paliwanag kaini, malabong bakuna an maging rason kan pagkakahelang kan sarong indibidwal nin huli pangenot na obheto kaini iyo an stimulation nin immune system tanganing maka crear anti-bodies para labanan an helang.
Dugang pa kaini, kun naenot nang magkaigwa nin exposure, dai soboot talaga harayong mapagkamalan na sintomas an naekperiensyahan na adverse effects nin immunization.
Ini soboot an rason kun tano mahigpit man nindang an mga indibidwal pagkatapos mabakunahan kan mga ini tanganing maaraman kun pira an nag develop nin side effects.
Siring man pigcierto kaini na pwede pang mag ako nin dugang na dose an sarong indibwal na nagpositibo sa covid-19 oras na ini an makapasar sa serye nin screening asin mapatunayan na fully-recovered na.
