NUMANCIA, AKLAN—Temporaryong ginpasarado it daywang adlaw do munisipyo it Numancia, Aklan umpisa June 14 hasta sa June 15,2021.
Raya hay matapos apat nga ka municipal employees do nagpositibo sa coronavirus disease.
Do nasambit nga tikang hay sandig man sa rekomendasyon it Municipal Health Office ag agud nga masiguro do kaeowasan ag proteksyon it mga kliyente, empleyado ag opisyal kontra sa deadly virus.
Samtang, ginpasiguro man it LGU Numancia nga do mga municipal, barangay officials ag mga health personnel hay padayon nga nagapatigayon it hugot nga monitoring ag surveillance agud nga indi eon magkalat pa do virus.
As of June 13, 2021 do banwa it Numancia hay may una nga 220 total cases kung siin 46 pa kara do active cases nakalista man it limang namatay matapos iguan it deadly virus. // SHERRY ANNE REUNIR-VIDAL
