LEGAZPI CITY – Isinairarom sa internal quality audit kan Department of Health (DOH) Northern Mindanao audit team an DOH Bicol kan nakalihis na semana.
Ini pinangenotan ni Dr. Raymond Dela Cruz kun sain pigberipikar digdi an pagsunod kan DOH Bicol CHD sa Quality Management System kan ahensya asin sa rekisitos kan ISO 9001:2015 na isinagibo sa laog nin tulong aldaw, kun sain pigtutukan digdi an proseso kan pag plano, implementasyon, monitoring asin evaluation.
Mientrastanto, nanutaran kan audit team an kaomaw-omaw na resulta siring na sana kan pagsabay kan opisina sa digitization sa paagi kan pagimplementar nin information systems asin pagkondukta ki integrated local health systems sa kada probinsya nganing makaguno ki impormasyon kan mga programa asin serbisyo.
